കൊല്ലം: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും പട്ടികജാതി വികസന വകുപ്പിന്റെയും സംയുക്താഭിമുഖ്യത്തില്‍ കൊട്ടാരക്കര, പുനലൂര്‍, കരുനാഗപ്പള്ളി കൊല്ലം കേന്ദ്രങ്ങളില്‍ സ്‌റ്റൈപ്പന്റോടുകൂടി 30 ദിവസത്തെ സൗജന്യ മത്സര പരീക്ഷാ പരിശീലന പരിപാടി സംഘടിപ്പിക്കുന്നു. പരിശീലന പരിപാടിയുടെ ഉദ്ഘാടനം ഇന്ന് രാവിലെ പത്തിന് ജില്ലാ പഞ്ചായത്ത് പ്രസിഡന്റ് കെ. ജഗദമ്മ നിര്‍വഹിക്കും. ആശ്രാമം ലിങ്ക് റോഡിന് സമീപമുള്ള ഗവ. എന്‍ജിനീയേഴ്‌സ് ക്ലബ് ഹാളില്‍ നടക്കുന്ന പരിപാടിയില്‍ സബ് റീജിയണല്‍ എംപ്ലോയ്‌മെന്റ് ഓഫിസര്‍ എ.എം നസീര്‍ അധ്യക്ഷനാകും. ജില്ലാ പട്ടികജാതി വികസന ഓഫിസര്‍ എം. നജീം, പരവൂര്‍ എംപ്ലോയ്‌മെന്റ് ഓഫിസര്‍ സി.ആര്‍ പ്രദീപ്കുമാര്‍,കെ.ആര്‍ അശോക് കുമാര്‍, എസ് ഷാജി, അനില്‍ റോയി തുടങ്ങിയവര്‍ സംസാരിക്കും. ജില്ലാ എംപ്ലോയ്‌മെന്റ് ഓഫിസര്‍ എം ഷിഷാബുദ്ദീന്‍ സ്വാഗതവും എംപ്ലോയ്‌മെന്റ് ഓഫിസര്‍(വി.ജി)  ടി. സജിത്കുമാര്‍ നന്ദിയും പറയും.