കോഴിക്കോട്: ട്രന്റ് പ്രീ സ്‌കൂള്‍ കോഡിനേഷന് കീഴില്‍ പ്രവര്‍ത്തിക്കുന്ന വിവിധ സ്‌കൂളുകളില്‍ നടന്ന 'അല്‍ഫാത്തിഹ' മത്സരങ്ങളുടെ സംസ്ഥാന തല മത്സരം കോഴിക്കോട് ഫാറൂഖ് കോളജ് നൂറുല്‍ഹിദായ പ്രീ സ്‌കൂളില്‍ സമാപിച്ചു. യൂനിറ്റ്, മേഖല മത്സരങ്ങളെ തുടര്‍ന്ന് നടന്ന സംസ്ഥാനതല മത്സരത്തില്‍ കാസര്‍കോട് മുതല്‍ തൃശൂര്‍ വരെയുള്ള അന്‍പതോളം സ്‌കൂളുകള്‍ പങ്കെടുത്തു. എല്‍.കെ.ജി, യു.കെ.ജി ക്ലാസുകളില്‍ പഠിക്കുന്ന വിദ്യാര്‍ഥി വിദ്യാര്‍ഥിനികളുടെ ഖുര്‍ആന്‍, ഹിഫഌ പാരായണം മത്സരങ്ങളായിരുന്നു 'അല്‍ഫാത്തിഹ'യിലെ പ്രധാന മത്സരയിനങ്ങള്‍. മത്സരം എസ്.കെ.എസ്.എസ്.എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. സത്താര്‍ പന്തലൂര്‍ മുഖ്യാതിഥിയായി. ട്രന്റ് ഡയരക്ടര്‍ ഡോ. ടി.എ മജീദ് കൊടക്കാട്, ഒ.പി അശ്‌റഫ്, കെ.കെ ആലിക്കുട്ടി മാസ്റ്റര്‍, എം.കെ സൈതാലിക്കുട്ടി, കെ.കെ മമ്മദ് കോയ, മുഹമ്മദ് ഹാജി, പി. സൈഫുല്ല, എം.കെ ശറഫുദ്ദീന്‍, വി. ഉവൈസ് സംസാരിച്ചു. പ്രീ സ്‌കൂള്‍ ചെയര്‍മാന്‍ ശാഹുല്‍ഹമീദ് മേല്‍മുറി വിജയികള്‍ക്കുള്ള സമ്മാനവിതരണം നടത്തി.