തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ സിബാഖ് ദേശീയ കലോത്സവത്തിന്റെ യോഗ്യതാ മത്സരങ്ങള്‍ക്ക് സമാപ്തി. ഇന്നലെ കോഴിക്കോട് കൂനഞ്ചേരി ദാറുന്നജാത്ത് അറബിക് കോളജില്‍ സമാപിച്ച ആലിയ വിഭാഗം യോഗ്യതാ മത്സരങ്ങളോടെയാണ് പ്രാഥമിക മത്സരങ്ങള്‍ക്ക് സമാപ്തിയായത്.
കലോത്സവത്തിന്റെ ഗ്രാന്റ് ഫിനാലെ 25 മുതല്‍ വാഴ്‌സിറ്റി കാംപസില്‍ നടക്കും. 28ന് സമാപിക്കും.ബിദായ, ഊല, ഥാനിയ, ഥാനാവിയ്യ, ആലിയ തുടങ്ങിയ അഞ്ചു വിഭാഗങ്ങളിലായി 1500ലധികം വിദ്യാര്‍ഥികള്‍ 260 മത്സരയിനങ്ങളില്‍ ഗ്രാന്റ് ഫിനാലെയില്‍ മാറ്റുരക്കും. വാഴ്‌സിറ്റിയുടെ വെസ്റ്റ് ബംഗാള്‍, ആസാം, മഹാരാഷ്ട്ര, ആന്ധ്രപ്രദേശ്, കര്‍ണാടക സംസ്ഥാനങ്ങളിലെ കാംപസുകളിലെ വിദ്യാര്‍ഥികളും വാഴ്‌സിറ്റിയില്‍ നടക്കുന്ന ഗ്രാന്റ് ഫിനാലെയില്‍ മത്സരിക്കും.
11, 12, 13 തിയതികളില്‍ കോഴിക്കോട് കുറ്റിക്കാട്ടൂര്‍ ശംസുല്‍ഹുദാ അക്കാദമി, മലപ്പുറം ജില്ലയിലെ തൂത ദാറുല്‍ ഉലൂം ദഅവാ കോളജ്, മാണൂര്‍ ദാറുല്‍ ഹിദായ ദഅ്‌വാ കോളജ്, കണ്ണൂര്‍ മാണിയൂര്‍ ബുസ്താനുല്‍ ഉലൂം അറബിക് കോളജ്, എന്നിവിടങ്ങളിലായിരുന്നു സിബാഖിന്റെ യോഗ്യതാ മത്സരങ്ങള്‍ അരങ്ങേറിയത്.