ന്യൂഡല്‍ഹി: നിര്‍ഭയ കേസില്‍ പ്രതികളുടെ വധശിക്ഷക്ക് പുതിയ മരണവാറന്റ് പുറപ്പെടുവിക്കണമെന്ന ഹരജി ഡല്‍ഹി കോടതി തള്ളി. ആവശ്യം ഉന്നയിച്ച് തിഹാര്‍ ജയിലധികൃതര്‍ നല്‍കിയ ഹരജിയാണ് ഡല്‍ഹി കോടതി തള്ളിയത്. നാലു പ്രതികളില്‍ മൂന്നാളുകളുടെ നിയമപരമായ എല്ലാ അവകാശങ്ങളും അവസാനിച്ചതിനാലും ശേഷിക്കുന്നയാളുടെ ഒരപേക്ഷയും ഒരു കോടതിയുടെ മുന്‍പിലും നിലവിലില്ലാത്തതിനാലും പ്രതികളുടെ വധശിക്ഷക്ക് മരണവാറന്റ് പുറപ്പെടുവിക്കണമെന്നായിരുന്നു ഹരജിയിലെ പ്രധാന ആവശ്യം.
പ്രതികള്‍ക്ക് തങ്ങളുടെ നിയമപരമായ അവകാശങ്ങള്‍ നിര്‍വഹിക്കാന്‍ ഡല്‍ഹി ഹൈക്കോടതി ഒരാഴ്ച സമയം അനുവദിച്ചത് ചൂണ്ടിക്കാട്ടിയാണ് അഡീഷനല്‍ സെഷന്‍സ് ജഡ്ജി ദര്‍മേന്ദ്ര റാണയുടെ നടപടി.