ന്യൂഡല്‍ഹി: സി.ബി.ഐയുടെ ഇടക്കാല ഡയരക്ടറായി എം. നാഗേശ്വര്‍ റാവുവിനെ നിയമിച്ച നടപടി ചോദ്യം ചെയ്ത് സമര്‍പ്പിച്ച ഹരജി സുപ്രിംകോടതി ഫയലില്‍ സ്വീകരിച്ചു. അടുത്ത ആഴ്ച വാദം കേള്‍ക്കുമെന്ന് കോടതി അറിയിച്ചിട്ടുണ്ട്.
ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ചാണ് ഹരജിയില്‍ അടിയന്തരമായി വാദം കേള്‍ക്കാമെന്ന് അറിയിച്ചത്. അഭിഭാഷകന്‍ പ്രശാന്ത് ഭൂഷന്‍, കോമണ്‍ കോസ് എന്ന സന്നദ്ധ സംഘടനക്കുവേണ്ടി അഞ്ജലി ഭരദ്വാജ് തുടങ്ങിയവരാണ് ഹരജി സമര്‍പ്പിച്ചിരുന്നത്. നാളെ ഹരജി പരിഗണിക്കണമെന്നായിരുന്നു ആവശ്യപ്പെട്ടിരുന്നതെങ്കിലും ഇത്തരത്തിലൊരു നടപടിക്ക് കഴിയില്ലെന്ന് ചീഫ് ജസ്റ്റിസ് അറിയിച്ചു.