മതിലകം : മതിലകത്ത് ബാറ്ററി നിര്‍മാണ യൂനിറ്റില്‍ തീപിടുത്തം ; ലക്ഷങ്ങളുടെ നഷ്ട്ടം. മതിലകം സെന്ററിനു സമീപം പ്രവര്‍ത്തിക്കുന്ന ആക്റ്റീവ് ബാറ്ററീസിലാണ് തീപിടുത്തം ഉണ്ടായത്. ഇന്നലെ ഉച്ചതിരിഞ്ഞ് 4 മണിയോടെയാണ് സംഭവം.
ബാറ്ററി നിര്‍മാണത്തിനുള്ള സാമഗ്രികള്‍ സൂക്ഷിച്ചിരുന്ന മുറിയിലാണ് തീപിടുത്തം ഉണ്ടായത്.മുറിയുടെ മേല്‍ക്കൂരയും,മുറിയില്‍ സൂക്ഷിച്ചിരുന്ന വസ്തുക്കളും പൂര്‍ണമായും കത്തി നശിച്ചു.
തീ ആളിക്കത്തുന്നതുകണ്ട് യൂനിറ്റിലെ ജീവനക്കാരും നാട്ടുകാരും ആക്ട്‌സും, മതിലകം യൂനിറ്റ് പ്രവര്‍ത്തകരും ചേര്‍ന്ന് തീയണച്ചു. കെട്ടിടത്തിന്റെ മറ്റുഭാഗങ്ങളിലേക്ക് തീ പടരാതിരുന്നതിനാല്‍ വന്‍ ദുരന്തം ഒഴിവായി.കൊടുങ്ങല്ലൂരില്‍ നിന്ന് അഗ്നിശമനസേനയും,മതിലകം പൊലിസും സ്ഥലത്തെത്തിയിരുന്നു.