വിഴിഞ്ഞം: വള്ളത്തിന്റെ എന്‍ജിന്‍ തകരാറിലായതിനെ തുടര്‍ന്ന് കടലില്‍ അകപെട്ട മൂന്നു മത്സ്യത്തൊഴിലാളികളെ തീരദേശ പൊലിസ് രക്ഷപ്പെടുത്തി.
വിഴിഞ്ഞം ടൗണ്‍ഷിപ്പ് സ്വദേശികളായ ബദര്‍ സമാന്‍ (55)മുഹമ്മദ് ഇബിന്‍(51) അബ്ദുള്‍ റഹ്മാന്‍(53)എന്നിവരെയാണ് ഇന്നലെ രാത്രി ഒന്നരയോടെ രക്ഷിച്ച് വിഴിഞ്ഞത്ത് എത്തിച്ചത്. ഇവര്‍ സഞ്ചരിച്ചിരുന്ന വള്ളം അടിമലത്തുറയില്‍ നിന്നും ആറ് നോട്ടിക്കല്‍ മൈയില്‍ അകലെ എന്‍ജിന്‍ തകരാറിലായതിനെ തുടര്‍ന്ന് കടലില്‍ അകപ്പെടുകയായിരുന്നു.തീരദേശ പോലീസിലെ എ.എസ്.ഐ മാരായ സജികുമാര്‍,ശശിധരന്‍ എന്നിവരുടെ നേതൃത്വത്തിലുള്ള സംഘമാണ് മത്സ്യത്തൊഴിലാളികളെ കരയ്‌ക്കെത്തിച്ചത്.