അരൂര്‍: നിരീക്ഷണ പറക്കലിനിടെ ഹെലികോപ്റ്റര്‍ എരമല്ലൂരിലെ മൈതാനത്ത് ഇറക്കി. എന്‍ജിന്‍ തകരാറിലായതിനെ തുടര്‍ന്ന് നേവിയുടെ ഐ.എന്‍.429 ഹെലികോപ്റ്ററാണ് ചമ്മനാട് ദേവി ക്ഷേത്ര മൈതാനത്ത് ഇറക്കിയത്. ലെഫ്റ്റനന്റ് കേണല്‍ ഭരത് രാജിന്റെ നേതൃതത്വത്തിലുള്ള മൂന്നംഗ സംഘമാണ് തീരദേശ നിരീക്ഷണപ്പറക്കലിനിടെ നിലത്തിറക്കിയത്.
വൈമാനികര്‍ സുരക്ഷിതരാണ്. ബുധനാഴ്ച ഉച്ചക്ക് ഒന്നരയോടെയായിരുന്നു സംഭവം. മൂന്നരയോടെ മെക്കാനിക്കുകളുമായി നേവിയുടെ ഐ.എന്‍.536 ഹെലികോപ്റ്റര്‍ എത്തി കേടുപാടുകള്‍ പരിശോധിച്ചുവരുന്നു. കുത്തിയതോട് എസ്.ഐ ജയന്‍, എ.എസ്.ഐമാരായ സുനില്‍കുമാര്‍, സന്തോഷ്‌കുമാര്‍, സി.പി.ഒ മാരിയ ജയേഷ്, അനൂപ്, പ്രവീഷ് എന്നിവര്‍ സുരക്ഷ ഒരുക്കി.