കാട്ടാക്കട: മദ്യപിച്ചെത്തിയ മകന്‍ അച്ഛനെ വെട്ടിപ്പരുക്കേല്‍പ്പിച്ചു. കള്ളിക്കാട് നെയ്യാര്‍ഡാം പാട്ടേക്കോണം തലയ്ക്കല്‍ വീട്ടില്‍ ശശി (67)നാണ് മകന്റെ വെട്ടേറ്റത്.
ഞായറാഴ്ച രാത്രി 9 മണിയോടെയായിരുന്നു സംഭവം. രാത്രിയില്‍ മദ്യപിച്ചെത്തിയ ശശിയുടെ മകന്‍ മണിക്കുട്ടന്‍ (37) പിതാവുമായി വാക്കേറ്റമുണ്ടാക്കുകയും തുടര്‍ന്ന് മുതുകിലും കൈകളിലും മാരകമായി വെട്ടിപ്പരുക്കേല്‍പ്പിക്കുകയായിരുന്നുവെന്ന് നെയ്യാര്‍ഡാം പൊലിസ് അറിയിച്ചു. സംഭവം അറിഞ്ഞെത്തിയ നെയ്യാര്‍ഡാം പൊലിസ് ശശിയെ മെഡിക്കല്‍ കോളജ് ആശുപത്രിയിലെത്തിച്ചു. മണികണ്ഠനെ പൊലിസ് കസ്റ്റഡിയിലെടുത്തുവെന്നാണ് വിവരം.