കാഞ്ഞിരംകുളം: കാഞ്ഞിരംകുളം ജങ്ഷനിലുളള ജുവലറിയുടെ സമീപത്തുനിന്നും സംശയാസ്പദമായ സാഹചര്യത്തില്‍ കണ്ട യുവാവിനെ അറസ്റ്റു ചെയ്തു.
പൊഴിയൂര്‍ ചിലാന്തിവിളാകം വീട്ടില്‍ സേവ്യറിനെ (40) ആണ് അറസ്റ്റ് ചെയ്തത്. ഇന്നലെ പുലര്‍ച്ചെ 2.00 ന് ഇയാള്‍ കമ്പികളും പാരയുമായി ജുവലറിയ്ക്കു സമീപത്ത് നില്‍ക്കുമ്പോഴാണ് ഇയാള്‍ പിടിയിലായത്. മുന്‍പ് പല മോഷണ കേസുകളിലും ഇയാള്‍ ജയില്‍ ശിക്ഷ അനുഭവിച്ചിട്ടുളളതായി പൊലീസ് അറിയിച്ചു. കാഞ്ഞിരംകുളം എസ്.ഐ.ജയന്‍ , പോലീസുകാരായ പ്രേംകുമാര്‍ , നവീന്‍ എന്നിവര്‍ ചേര്‍ന്നാണ് ഇയാളെ പിടികൂടിയത്. കോടതിയില്‍ ഹാജരാക്കിയ സേവ്യറിനെ റിമാന്‍ഡ് ചെയ്തു.