ചാലിയം: ചാലിയം ഫിഷ്‌ലാന്റിനു സമീപം ഉരുനിര്‍മാണത്തിനുള്ള മരം കത്തിനശിച്ചു. സമീപത്തുള്ള അടിക്കാടിന് തീപിടിച്ച് ആളിപ്പടര്‍ന്നാണ് മരം കത്തിയത്. തീ പിടിക്കാനുള്ള കാരണം വ്യക്തമല്ല. വിവരം അറിഞ്ഞുവന്ന മീഞ്ചന്തയിലെ ഫയര്‍ യൂനിറ്റ് തീയണച്ചു. കൃത്യസമയത്ത് ഫയര്‍ യൂനിറ്റ് എത്തിയതിനാല്‍ കെട്ടിയിട്ട തോണിയില്‍ തീപടരാതെ രക്ഷപ്പെട്ടു. മരം കത്തിയതിന്റെ നഷ്ടം എത്രയെന്ന് വ്യക്തമല്ല.