കൊല്ലം: കനത്തമഴയില്‍ ഓടയില്‍ വീണ് കാണാതായ യുവാവിന്റെ മൃതദേഹം കണ്ടെത്തി.
അയത്തില്‍ പാലത്തറ കൂട്ടാണിക്കല്‍ വീട്ടില്‍ കബീര്‍കുട്ടി-നബീസാബീവി ദമ്പതികളുടെ മകന്‍ ഷീജുവിന്റെ(38) മൃതദേഹം ഇന്നലെ ഉച്ചയോടെ ഉളിയക്കോവിലിന് സമീപമുള്ള അഷ്ടമുടി കായലിലാണ് കണ്ടെത്തിയത്. ശനിയാഴ്ച വൈകിട്ട് 6.30നായിരുന്നു അപകടം . ബൈപ്പാസിനു സമീപം അയത്തില്‍ പാല്‍ക്കുളങ്ങര ക്ഷേത്രത്തിനു എതിര്‍വശത്തെ കൊച്ചുകുളം തോടിനു സമീപത്തൂടിയുള്ള റോഡിലൂടെ നടക്കുന്നതിനിടയില്‍ കാല്‍വഴുതി ഓടയില്‍ വീഴുകയായിരുന്നു. തുടര്‍ന്ന് പൊലിസും ഫയര്‍ഫോഴ്‌സും നാട്ടുകാരും ചേര്‍ന്ന് തെരച്ചില്‍ നടത്തിയെങ്കിലും ഷിജുവിനെ കണ്ടെത്താന്‍ കഴിഞ്ഞിരുന്നില്ല. ഞായറാഴ്ച ഓടയിലൂടെ ഇറങ്ങി ഫയര്‍ഫോഴ്‌സ് തെരച്ചില്‍ നടത്തിയിരുന്നു. ചവറ-കൊട്ടിയം റൂട്ടിലോടുന്ന സ്വകാര്യബസിലെ കണ്ടക്ടറായിരുന്നു ഷിജു. ഭാര്യ: പരേതയായ നസ്‌നി. സഹോദരങ്ങള്‍: ഷീബ,ഷീജ.