കൊട്ടാരക്കര: നെടുവത്തൂര്‍ എന്‍.എസ്.എസ് ഡി.വി.യു.പി സ്‌കൂളില്‍ സാമൂഹ്യ വിരുദ്ധരുടെ വിളയാട്ടം. സ്‌കൂള്‍ ഓഫിസിലെ ഫര്‍ണ്ണിച്ചറുകളും ഫയലുകളും നശിപ്പിക്കുകയും
സയന്‍സ് ലാബ് അടിച്ചു തകര്‍ക്കുകയും ചെയ്തു. ഓഫീസില്‍ സൂക്ഷിച്ചിരുന്ന മൈക്ക് സെറ്റിന്റെ മൈക്രോ ഫോണ്‍ മോഷണം പോയിട്ടുണ്ട്. സ്‌കൂളിന്റെ ഓടുകള്‍ തകര്‍ത്തു. ക്ലാസ് മുറികളിലെ ബോര്‍ഡുകളില്‍ അസഭ്യ വാക്കുകള്‍ എഴുതിപ്പിടിപ്പിച്ചു. ക്ലാസ് മുറികളുടെ പൂട്ടുകള്‍ തകര്‍ത്തിട്ടുണ്ട്. സ്‌കൂള്‍ നേഴ്‌സറി കെട്ടിടത്തിനു നേരെയും സ്‌കൂള്‍ ബസ്സുകള്‍ക്ക് നേരെയും ആക്രമണം നടത്തിയിട്ടുണ്ട്. കൊട്ടാരക്കര പൊലിസ് സ്ഥലത്തെത്തി പരിശോധന നടത്തി.
നെടുവത്തൂര്‍ ഫാക്ടറി ജങ്ഷനില്‍ കുറച്ച് കാലമായി സാമൂഹ്യവിരുദ്ധ ശല്യവും സംഘം ചേര്‍ന്നുള്ള മദ്യപാനവും കൂടി വരികയാണെന്നും പൊലിസില്‍ പരാതി നല്‍കിയിട്ടും നടപടിയെടുത്തില്ലെന്നും നാട്ടുകാര്‍ പറയുന്നു.