വടക്കാഞ്ചേരി: ഉത്രാളി പൂരത്തിനെത്തുന്ന ഉത്സവപ്രേമികള്‍ക്ക് കുംഭ ചൂടിനെ മറികടക്കാര്‍ ദാഹജലം വിതരണം ചെയ്ത് എയറോനോട്ടിക്കല്‍ എന്‍ജിനീയറിങ് വിദ്യാര്‍ഥി. ലക്കിടി നെഹ്‌റു കോളജ് വിദ്യാര്‍ഥിയും വടക്കാഞ്ചേരി ഗ്രാമം കിഴക്കേമഠം പരേതനായ സുബ്രഹ്മണ്യന്റെ മകനുമായ വെങ്കിടേഷാണ് ഇത്തവണയും കുമരക്കാട് ശിവക്ഷേത്രത്തിലെ ആല്‍ത്തറയില്‍ സംഭാരവും, പാനകവുമായി എത്തിയത്. അരനൂറ്റാണ്ടായി വെങ്കിടേഷിന്റെ കുടുംബം ഈ പ്രവര്‍ത്തി ചെയ്ത് വരികയാണ്. പിതാവിന്റെ മരണത്തോടെയാണ് വെങ്കിടേഷ് നേരിട്ട് ഏറ്റെടുത്തത്. കുടുംബ സുഹൃത്തായ നാസര്‍ മങ്കരയും വെങ്കിടേഷിനെ സഹായിക്കാന്‍ ഉണ്ടായിരുന്നു.