കണ്ണപുരം: കണ്ണപുരം റെയില്‍വേ സ്റ്റേഷനു സമീപം നിയന്ത്രണംവിട്ട കാറുകള്‍ കൂട്ടിയിടിച്ച് രണ്ടുപേര്‍ക്ക് പരുക്ക്. ഇന്നലെ രാത്രി പത്തോടെയാണ് കണ്ണൂര്‍ ഭാഗത്തുനിന്ന് പഴയങ്ങാടി ഭാഗത്തേക്ക് പോവുകയായിരുന്ന കാറിനു പിറകെ അതേദിശയില്‍ വന്ന മത്സ്യലോറി ഇടിച്ചത്. ഇടിയില്‍ വാഗനര്‍ കാര്‍ അതേദിശയില്‍ വന്ന മറ്റൊരു കാറിലിടിക്കുകയായിരുന്നു.  പരുക്കേറ്റ ഇരുകാറിലെയും യാത്രക്കാരായ പുതിയങ്ങാടി സ്വദേശി എ.വി ശംസുദ്ദീന്‍, ചെറുകുന്ന് കട്ടകുളം സ്വദേശി അബ്ദുല്‍റഷീദ് എന്നിവരെ പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റി. കണ്ണപുരം പൊലിസ് സ്ഥലത്തെത്തി.