ബംഗളൂരു: രാജ്യത്തെ മികച്ച നഗരഭരണ സംവിധാനത്തില്‍ തിരുവനന്തപുരം ഒന്നാംസ്ഥാനത്ത്. ഡല്‍ഹി, മുംബൈ തുടങ്ങിയ വന്‍ നഗരങ്ങളെ പിന്തള്ളിയാണ് തിരുവനന്തപുരം ഈ നേട്ടം കൈവരിച്ചത്.

രാജ്യത്തെ 21 പ്രധാന നഗരങ്ങളില്‍ ബംഗളൂരു ആസ്ഥാനമായ ജനാഗ്രഹ സെന്റര്‍ ഫോര്‍ സിറ്റിസണ്‍ഷിപ്പ് ആന്‍ഡ് ഡെമോക്രസി നടത്തിയ സര്‍വേയില്‍ നിന്നാണ് തിരുവനന്തപുരത്തെ തിരഞ്ഞെടുത്തത്. ഇത് നാലാം തവണയാണ് ഏജന്‍സി സര്‍വേ സംഘടിപ്പിക്കുന്നത്.

പുണെ, കൊല്‍ക്കത്ത എന്നീ നഗരങ്ങളാണ് രണ്ടും മൂന്നും സ്ഥാനത്ത്. 18 ദശലക്ഷം ജനസംഖ്യയുള്ള ഡല്‍ഹിക്ക് ഒമ്പതാം സ്ഥാനമാണുള്ളത്. ബംഗളൂരു മുന്‍ വര്‍ഷത്തില്‍ നിന്നു നാല് സ്ഥാനം നഷ്ടപ്പെട്ട് 16–ാമത് എത്തി. ചണ്ഡിഗഡ്, ജയ്പൂര്‍, ലുധിയാന എന്നീ നഗരങ്ങളാണ് അവസാന സ്ഥാനങ്ങളില്‍.