തിരുവനന്തപുരം:  വിദ്യാഭ്യാസ സ്ഥാപനങ്ങളില്‍ നിന്ന് പഠനയാത്രയ്ക്കായി പോകുന്ന ടൂറിസ്റ്റ് ബസുകള്‍ അപകടകരമായ  രീതിയില്‍ അഭ്യാസപ്രകടനങ്ങള്‍ നടത്തിയതുമായി ബന്ധപ്പെട്ട് ഏഴു ബസുകള്‍ക്കെതിരേ നടപടി  സ്വീകരിക്കുകയും ഡ്രൈവര്‍മാരുടെ ലൈസന്‍സ് സസ്‌പെന്‍ഡ് ചെയ്യുന്നതുള്‍പ്പെടെയുള്ള നടപടികള്‍  സ്വീകരിക്കുകയും ചെയ്തുവെന്ന് ഗതാഗത മന്ത്രി എ.കെ ശശീന്ദ്രന്‍ നിയമസഭയെ അറിയിച്ചു.  സി. മമ്മുട്ടി, കെ.എം ഷാജി, എം.കെ മുനീര്‍, പി.കെ ബഷീര്‍ എന്നിവരുടെ ചോദ്യത്തിനു  മറുപടി പറയുകയായിരുന്നു മന്ത്രി.