മണ്ണാര്‍ക്കാട്: എടത്തനാട്ടുകര യതീംഖാന ടി.എ.എം.യു.പി സ്‌കൂള്‍ പ്ലാറ്റിനം ജൂബിലി സമാപിച്ചു. സമാപന സമ്മേളനവും സാസ്‌കാരിക സമ്മേളനവും അലനല്ലൂര്‍ പഞ്ചായത്ത് പ്രസിഡന്റ് വി. ഗിരിജ ഉദ്ഘാടനം ചെയ്തു. വൈസ് പ്രസിഡന്റ് മെഹര്‍ബാന്‍ ടീച്ചര്‍ അധ്യക്ഷയായി. പ്രധാനാധ്യാപകന്‍ കെ.പി ഉമ്മര്‍ റിപോര്‍ട്ട് അവതരിപ്പിച്ചു. എം. ജിനേഷ്, ബ്ലോക്ക് പഞ്ചായത്ത് അംഗം പി. റഫീഖ, കെ. രാംകുമാര്‍, റഷീദ് ആലായന്‍, എം. റഹ്മത്ത്, കെ.ടി അബ്ദുല്‍ നാസര്‍, പി.ടി.എ പ്രസിഡന്റ് എം.കെ യാക്കൂബ്, നൗഷാദ് പുത്തന്‍കോട്ട്, കെ.പി സറീന, ടി.കെ അബ്ദുല്‍ റഹീം, ടി.എം ഷംസുദ്ദീന്‍, ടി.പി സഷീര്‍ സംസാരിച്ചു. മുഹമ്മദ് ഇല്യാസിന്റെ പാട്ടു വരയും, ഹക്കീം പുല്‍പെറ്റയുടെ ഇശല്‍ നിലാവ്, ഒലീവ് നാടന്‍ പാട്ട് സംഘം അവതരിപ്പിച്ച നാടന്‍പാട്ട്, യുവഭാവന ക്ലബ്ബ്, വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും കലാപരിപാടികള്‍ അരങ്ങേറി.
ഒരു വര്‍ഷം നീണ്ടുനിന്ന ആഘോഷ പരിപാടിയില്‍  ജൂബിലി ആഘോഷ വിളബരം, പഞ്ചായത്ത് തല യു.പി സ്‌കൂള്‍ സഹവാസ ക്യാംപ്, സ്‌കൂള്‍ പ്രവേശനോത്സവം, സൗജന്യ മെഡിക്കല്‍ ക്യാംപ്, പൂര്‍വ വിദ്യാര്‍ഥി സംഗമം, ഗുരുവന്ദനം, ശാസ്ത്ര ശില്‍പശാല, സോണല്‍ സ്‌പോര്‍ട്‌സ്, എംപ്ലോയീസ് മീറ്റ് നടന്നു. സര്‍വീസില്‍ നിന്നും വിരമിക്കുന്ന അധ്യാപകരായ പി.പി മന്‍സൂര്‍, ഇ. സൈനുദ്ദീന്‍, കെ. അബ്ദുല്‍ സമദ് എന്നിവര്‍ക്കുള്ള യാത്രയയപ്പ് സമ്മേളനവും നടന്നു.