ദമാം: കിഴക്കൻ സഊദിയിലെ വ്യാവസായ നഗരിയായ ജുബൈലിൽ റോയൽ കമ്മീഷൻ ഹൈവേയിൽ കാർ പാലത്തിനു മുകളിൽ നിന്നും താഴേക്ക് പതിച്ചു ആറു വിദേശികൾ മരിച്ചു. ജുബൈൽ-റോയൽ കമ്മീഷൻ ഹൈവേയിൽ എക്സിറ്റ് ഏഴിലെ പാലത്തിൽ ഇന്നലെ രാവിലെയാണ് അപകടം. കാറിലുണ്ടായിരുന്ന പാകിസ്ഥാൻ സ്വദേശികളായ ആറു പേരും തൽക്ഷണം മരിച്ചു. മൃതദേഹം ജുബൈൽ ജനറൽ ആശുപത്രിയിൽ സൂക്ഷിചിരിക്കുകയാണ്.  

      തലകീഴായി മറിഞ്ഞ കാറിൽ നിന്നും പോലീസും അഗ്നിശമന വിഭാഗവും  കാർ വെട്ടിപ്പൊളിച്ചാണ് ഇവരെ പുറത്തെടുത്തത്.  ഇവരുടെ കാർ പതിച്ച പാലത്തിലെ താഴെ റോഡിൽ മറ്റു വാഹനങ്ങൾ ഇല്ലാതിരുന്നത് വൻ വൻ ദുരന്തമാണ് ഒഴിവാക്കിയത്. സ്വകാര്യ കമ്പനി ജീവനക്കാരായ ഇവർ ചെറിയ നിർമ്മാണ പ്രവർത്തനങ്ങൾ ഏറ്റെടുത്തു നടത്തി വരികയായിരുന്നു. മരിച്ചവരിൽ സൽമാൻ, ശീഷൻ എന്നിവർ സഹോദരങ്ങളാണ്. ആറു മാസം മുൻപാണ് സൽമാൻ വിവാഹ ശേഷം സഊദിയിലെത്തിയത്.