അമ്പലപ്പുഴ: നടുറോഡില്‍ സംഘട്ടനം രണ്ടു പേര്‍ക്ക് പരുക്കേറ്റു. പുന്നപ്ര തെക്ക് പഞ്ചായത്ത് ഒമ്പതാം വാര്‍ഡില്‍ ജൂനൈദ് മന്‍സില്‍ നൗഷാദിന്റെ മകന്‍ ജുനൈയിദ് (20), വണ്ടാനം പാണ്ഡിയമ്മ മഠത്തില്‍ പുത്തന്‍ പറമ്പ് വീട്ടില്‍ റഷീദിന്റെ മകന്‍ റിയാസ് (23) എന്നിവര്‍ക്കാണ് പരുക്കേറ്റത്. ഇവരെ വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കഴിഞ്ഞദിവസം ഉച്ചയ്ക്ക് ഒരു മണിയോടെ പുന്നപ്ര കെ.എസ്.ഇ.ബി പഴയനടക്കാവ് റോഡിലായിരുന്നു സംഭവം. ജുനൈദിന്റെ മൊഴിയുടെ അടിസ്ഥാനത്തില്‍ അമ്പലപ്പുഴ വടക്ക് പഞ്ചായത്ത് രണ്ടാം വാര്‍ഡില്‍ കുറവന്‍തോട് വെളിയില്‍ ഷരീഫ് (45),  ഇയാളുടെ ബന്ധുക്കളായ അഷറഫ് മുഹ്‌സിന്‍, റിഫാസ് എന്നിവരുടെ പേരിലും റിയാസിന്റെ മൊഴിയുടെ അടിസ്ഥാനത്തില്‍ പുന്നപ്ര സ്വദേശികളായ റിയാദ്, ഇയാളുടെ സഹോദരന്‍ റിയാസ് എന്നിവരെയും പ്രതിചേര്‍ത്ത് പുന്നപ്ര എസ് ഐ ഇ ഡി ബിജുവിന്റെ നേതൃത്വത്തിലുള്ള പോലീസ് സംഘം പ്രതികളെ അറസ്റ്റ് ചെയ്ത് കേസ് രജിസ്റ്റര്‍ ചെയ്തു.  മുന്‍ വൈരാഗ്യമാണ് സംഘട്ടനത്തിന് കാരണമെന്ന് പോലീസ് പറഞ്ഞു.