അമ്പലപ്പുഴ: സ്വകാര്യ ബസ് തട്ടി പെട്ടിഓട്ടോറിക്ഷാ മറിഞ്ഞ്. ഡ്രൈവര്‍ക്ക് പരുക്കേറ്റു. അമ്പലപ്പുഴ വടക്ക് പഞ്ചായത്ത് വണ്ടാനം നടേപറമ്പില്‍ ശിവരാമന്‍ (57) പരുക്കേറ്റത്. ദേശീയ പാതയില്‍ വണ്ടാനം മെഡിക്കല്‍ കോളജ് ഹോസ്റ്റലിന് എതിര്‍വശം ഇന്നലെ വൈകിട്ട് നാലു മണിയോടെയായിരുന്നു അപകടം. ലോറിയെ മറികടന്നെത്തിയ സ്വകാര്യബസ് നിയന്ത്രണംതെറ്റി പെട്ടിഓട്ടോയില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ഓട്ടോ സമീപത്തെ താഴ്ചയിലേക്ക് തല കീഴായി മറിഞ്ഞു. ശിവരാമനെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.