മഞ്ചേരി: തെങ്ങിന്‍ തോപ്പില്‍ തീപിടിച്ചു. മഞ്ചേരി വായപ്പാറപ്പടി ഗവ. എല്‍.പി സ്‌കൂളിനു സമീപം കൃഷ്ണകുമാറിന്റെ ഉടമസ്ഥതയിലുള്ള എട്ട് ഏക്കറോളം വരുന്ന തെങ്ങിന്‍ തോപ്പിലാണ് തീ പടര്‍ന്നുപിടിച്ചത്.
ഇന്നലെ ഉച്ചക്ക് 1.15ന് ആണ് സംഭവം. മഞ്ചേരി അഗ്നിരക്ഷാ നിലയത്തിലെ അസി. സ്റ്റേഷന്‍ ഓഫിസര്‍ ഇ.കെ അബ്ദുല്‍ സലീമിന്റെ നേതൃത്വത്തില്‍ ഗ്രേഡ് എ.എസ്.ടി.ഒ കെ.എം സുരേഷ് കുമാര്‍, ഫയര്‍മാന്‍മാരായ ഇ.എം അബ്ദുറഫീഖ്, കെ. മുഹമ്മദ് കുട്ടി, വി.സി രഘുരാജ്, എം. സൈനുല്‍ ആബിദ്, ഹോം ഗാര്‍ഡുമാരായ ടോമി തോമസ്, എ.പി അബൂബക്കര്‍ എന്നിവരടങ്ങിയ സംഘമാണ് തീ നിയന്ത്രണ വിധേയമാക്കിയത്.
തീ പടര്‍ന്ന ഉടന്‍ തന്നെ അണക്കാനുള്ള ശ്രമങ്ങള്‍ ഉണ്ടായതിനാല്‍ തൊട്ടടുത്തുള്ള വീടുകളിലേക്കും സ്‌കൂളിലേക്കും തീ പടര്‍ന്നു പിടിക്കുന്നത് തടയാനായി.