എര്‍സുറും: 4-400 മീറ്റര്‍ റിലേയിലെ 18 വര്‍ഷം പഴക്കമുള്ള ദേശീയ റെക്കോര്‍ഡ് ഇന്ത്യന്‍ പുരുഷ ടീം തകര്‍ത്തു. തുര്‍ക്കിയില്‍ നടക്കുന്ന അന്താരാഷ്ട്ര സ്പ്രിന്റ് ആന്‍ഡ് റിലേ ടീംസ് കപ്പിലാണ് ഇന്ത്യ നേട്ടം കൈവരിച്ചത്. 3.02.17 സെക്കന്‍ഡിലാണ് ഇന്ത്യന്‍ ടീം ഫിനിഷ് ചെയ്തത്. നേരത്തെയുണ്ടായിരുന്ന സമയം 3.02.62 സെക്കന്‍ഡാണ്. 1998ലെ ബാങ്കോക്ക് ഏഷ്യന്‍ ഗെയിംസിലായിരുന്നു ഈ റെക്കോര്‍ഡ് പ്രകടനം. റെക്കോര്‍ഡ് പ്രകടനം ടീമിന്റെ ഒളിംപിക് സാധ്യതകളെ സജീവമാക്കിയിട്ടുണ്ട്. വനിതാ വിഭാഗത്തില്‍ ഇന്ത്യ ജയം സ്വന്തമാക്കി. ഇതോടെ വനിതാ ടീമിന്റെയും ഒളിംപിക് പ്രതീക്ഷകള്‍ സജീവമായി.