നെടുങ്കണ്ടം: കഞ്ചാവ് ജീന്‍സിനുള്ളില്‍ ഒളിപ്പിച്ചു കടത്താന്‍ ശ്രമിച്ച യുവാവ് അറസ്റ്റില്‍. കൊല്ലം ആദിനാട്ടുകര തയ്യില്‍ശേരി തെക്കേതില്‍ അന്‍ഷാദ് (20) ആണ് പിടിയിലായത്. പ്രതിയില്‍ നിന്ന് 210 ഗ്രാം കഞ്ചാവും കണ്ടെത്തി.
ഇന്നലെ പുലര്‍ച്ചെ മൂന്നിനു കമ്പംമെട്ട് ചെക്കുപോസ്റ്റില്‍ എക്‌സൈസിന്റെയും പൊലിസിന്റെയും വാഹനപരിശോധനക്കിടെയാണ് പ്രതിയെ പിടികൂടിയത്. എക്‌സൈസ് ഇന്‌സ്‌പെക്ടര്‍ ജിജി ഐപ്പ് മാത്യൂ, കമ്പംമെട്ട് എസ്.ഐ കെ.എ റഹിം, എ.എസ്.ഐ പി.കെ സുരേഷ്, റെനി, റെജി ജോര്‍ജ്, അനിഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.