കോഴിക്കോട്: സംസ്ഥാന സര്‍ക്കാരിന്റെ ലോട്ടറിക്ക് സമാനമായി വ്യാജ ഒറ്റനമ്പര്‍ ലോട്ടറി വില്‍പന നടത്തിയയാള്‍ പിടിയില്‍. നടുവട്ടം കക്കാടത്ത് വീട്ടില്‍ പ്രഭാകരന്‍ (60) ആണ് മാറാട് പൊലിസിന്റെ പിടിയിലായത്.
മാത്തോട്ടം, അരക്കിണര്‍, സാഗരസരണി ബേപ്പൂര്‍ ഭാഗങ്ങളില്‍ വ്യാജ ഒറ്റനമ്പര്‍ ലോട്ടറിയുടെ മൊത്തവിതരണക്കാരനാണു പിടിയിലായ പ്രഭാകരന്‍. ലോട്ടറി വില്‍പനയും നറുക്കെടുപ്പും നടത്തുന്നത് ഇയാള്‍ തന്നെയാണ്. സര്‍ക്കാര്‍ ലോട്ടറിയുടെ റിസള്‍ട്ട് ഉപയോഗിച്ചാണ് ഇയാള്‍ വിജയിയെ തീരുമാനിക്കുന്നത്.
മാറാട് എസ്.ഐ കെ.എക്‌സ് തോമസിനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണു പ്രതി പിടിയിലായത്. എ.എസ്.ഐ പി. സുഗതന്‍, സി.പി.ഒമാരായ എ. പ്രശാന്ത് കുമാര്‍, കെ. സത്യനേശന്‍, സരീഷ് പെരുമ്പുഴക്കാട്, പി. അരുണ്‍കുമാര്‍ എന്നിവര്‍ അന്വേഷണസംഘത്തിലുണ്ടായിരുന്നു.