വൈക്കം: ഇത്തിപ്പുഴ ശ്രീ. ലക്ഷ്മി വിദ്യാനികേതന്‍ പ്രൈമറി സ്‌കൂളിന്റെ 16-ാമത് വാര്‍ഷികദിനാഘോഷം നടത്തി. സ്‌കൂള്‍ അങ്കണത്തില്‍ നടന്ന ചടങ്ങില്‍  സുബ്രഹ്മണ്യന്‍ അമ്പാടി നിലവിളക്കു കൊളുത്തി ഉദ്ഘാടനം ചെയ്തു.
 ഉദയനാപുരം പഞ്ചായത്ത് പ്രസിഡന്റ് സാബു. പി. മണലൊടി അധ്യക്ഷനായി. അതുല്ല്യ അശോകന്‍ റിപ്പോര്‍ട്ട് അവതരിപ്പിച്ചു. 2016-ലെ വയലാര്‍ സംഗീത-സാഹിത്യ പുരസ്‌ക്കാര ജേതാവ് സുബ്രഹ്മണ്യന്‍ അമ്പാടിയെ മൊമന്റൊയും, പൊന്നാടയും നല്‍കി സാബു. പി മണലൊടി ആദരിച്ചു. പ്രശസ്ത നാടകകലാകാരി മാല കാലാക്കല്‍, പഞ്ചായത്ത് മെമ്പര്‍ സുനില്‍കുമാര്‍, സുജാത ശ്രീകുമാര്‍, അമ്പിളി, മാസ്റ്റര്‍ ഗൗതം ജിത്തു സംസാരിച്ചു. കുട്ടികളുടെ കലാപരിപാടികളും നടന്നു. വൈക്കം ജെ.സി.ഐ പ്രസിഡന്റ് സോണി ജോസ് സമ്മാനദാനം നടത്തി.