ഊട്ടി: വിനോദ സഞ്ചാര കേന്ദ്രമായ ഊട്ടി കൊടും തണുപ്പില്‍ വലയുന്നു.
കഴിഞ്ഞദിവസം രാത്രി കുറഞ്ഞ താപനില ഒരു ഡിഗ്രി സെല്‍ഷ്യസും കൂടിയതാപനില 18 ഡിഗ്രിയുമാണ് രേഖപ്പെടുത്തിയത്. രാത്രികാലങ്ങളില്‍ മഞ്ഞുവീഴ്ച ശക്തമായതോടെ വിനോദ സഞ്ചാര മേഖലയും വ്യാപാര മേഖലയിലും പ്രതിസന്ധി രൂക്ഷമായിരിക്കുകയാണ്.
ജനജീവിതത്തേയും കൊടുതണുപ്പ് പ്രതികൂലമായി ബാധിച്ചിട്ടുണ്ട്. തണുപ്പ് ശക്തമായതിനാല്‍ ഊട്ടി നഗരത്തില്‍ നേരം ഇരുട്ടുന്നതോടെ ആളൊഴിയുകയാണ്.
ഇതോടെ കടകമ്പോളങ്ങളും നേരത്തെ അടക്കുകയും രാവിലെ ഏറെ വൈകിയുമാണ് തുറക്കുന്നത്.