ന്യൂഡല്‍ഹി: ഇന്നലെ ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ ഭാര്യ സുനിതയുടെ 54ാം ജന്മദിനമായിരുന്നു. ഡല്‍ഹി നിയമസഭാ തെരഞ്ഞെടുപ്പിലെ വലിയ വിജയത്തിനു ശേഷം മുഖ്യമന്ത്രിയും ഭാര്യയും ഡല്‍ഹിയിലെ പാര്‍ട്ടി ഓഫിസില്‍ പ്രവര്‍ത്തകര്‍ക്കൊപ്പം ജന്മദിനം ആഘോഷിച്ചു.
തെരഞ്ഞെടുപ്പ് വിജയത്തിനു ശേഷം 'ഞാന്‍ നിങ്ങളെ സ്‌നേഹിക്കുന്നു' എന്നായിരുന്നു ഡല്‍ഹി ജനതയോട് കെജ്‌രിവാളിന്റെ ആദ്യ പ്രതികരണം. 'ഭാരത് മാതാ കീ ജയ്, ഇന്‍ക്വിലാബ് സിന്ദാബാദ് ' എന്നു വിളിച്ചായിരുന്നു അദ്ദേഹം പ്രവര്‍ത്തകരെ അഭിസംബോധന ചെയ്തത്. ഇതു തന്റെ വിജയമല്ലെന്നും ഡല്‍ഹിയുടെ വിജയമാണെന്നും അദ്ദേഹം പറഞ്ഞു.