ഇരിട്ടി: പേരട്ട തൊട്ടിപാലത്ത് ആറു വയസുകാരിയെ പീഡിപ്പിച്ച സംഭവത്തില്‍ ഒളിവില്‍ പോയ പ്രതിയായ 70 കാരന്‍ കോടതിയില്‍ കീഴടങ്ങി. കഴിഞ്ഞ ദിവസം തലശ്ശേരി കോടതിയില്‍ എത്തിയാണ് കേസിലെ പ്രതിയായ തൊട്ടിപാലം സ്വദേശി ചേരൂര്‍ അബ്ദു കീഴടങ്ങിയത്. ഇയാളെ കോടതി റിമാന്‍ഡ് ചെയ്തു.
ഒരാഴ്ച മുന്‍പായിരുന്നു മാക്കൂട്ടം എസ്‌റ്റേറ്റിലെ ടാപ്പിങ് തൊഴിലാളിയായ അബ്ദു ഇതേ എസ്‌റ്റേറ്റില്‍ താമസിക്കുന്ന പട്ടിക ജാതി വിഭാഗത്തില്‍ പെട്ട പെണ്‍കുട്ടിയെ സ്‌കൂള്‍ വിട്ട് വീട്ടിലേക്ക് പോകവെ ലൈംഗിക പീഡനത്തിനിരയാക്കിയത്. ഒരു കടയുടെ പിന്നിലേക്ക് കൂട്ടി കൊണ്ടണ്ടു പോയാണ് പീഡിപ്പിച്ചത്. വീട്ടിലെത്തി അസ്വസ്ഥത പ്രകടിപ്പിച്ച കുട്ടി അമ്മൂമ്മയോട് സംഭവം പറഞ്ഞു.
ചൈല്‍ഡ് ലൈനില്‍ ലഭിച്ച പരാതിയെ തുടര്‍ന്ന് അന്വേഷണം നടത്തി കേസെടുക്കാന്‍ ഉളിക്കല്‍ പൊലിസിനോട് ആവശ്യപ്പെടുകയായിരുന്നു.