സാന്റാ ക്ലാര: കോപ്പ അമേരിക്കയില്‍ ഉറുഗ്വേ - ജമൈക്ക പോരാട്ടത്തില്‍ ഉറുഗ്വേയ്ക്ക് സൂപ്പര്‍ വിജയം. എതിരില്ലാത്ത മൂന്നു ഗോളിനാണ് ഉറുഗ്വേയുടെ വിജയം. 21, 66, 88 എന്നീ മിനുറ്റുകളിലാണ് ഉറുഗ്വേയുടെ ഗോളുകള്‍. ഉറുഗ്വേയ്ക്ക് വേണ്ടി ആദ്യ പകുതിയുടെ 21ാം മിനുറ്റില്‍ ആബെല്‍ ഹെര്‍ണാണ്ടസ് ഗോള്‍ നേടിയപ്പോള്‍ രണ്ടാം പകുതിയില്‍ 88ാം മിനുറ്റില്‍ മതിയസ് കൊറുജൊ മൂന്നാം ഗോളും നേടി. എന്നാല്‍, ഉറുഗ്വേയുടെ രണ്ടാം ഗോളാവട്ടെ ജമൈക്കന്‍ താരത്തിന്റെ തന്നെ വകയായിരുന്നു. 66ാം മിനുറ്റില്‍ സെല്‍ഫ് ജെ വോണ്‍ വാട്‌സണിന്റെ വകയായിരുന്നു സ്വന്തം ഗോള്‍ പോസ്റ്റിലേക്ക് അടിച്ചുള്ള ആ ഗോള്‍.
തോല്‍വിയോടെ ടൂര്‍ണമെന്റില്‍ നിന്ന് പുറത്തായിരിക്കുകയാണ് ജമൈക്ക. കോപ്പ അമേരിക്കന്‍ ടൂര്‍ണമെന്റിന്റെ ശതാബ്ദിയില്‍ ഒരു ഗോളും നേടാതെ ടൂര്‍ണമെന്റില്‍ നിന്ന് പുറത്താകുന്ന ആദ്യ ടീമെന്ന റെക്കോര്‍ഡും ജമൈക്കയ്ക്ക് സ്വന്തമായിരിക്കുകയാണ്. ഉറുഗ്വെന്‍ നിരയില്‍ സ്റ്റാര്‍ പ്ലെയര്‍ ലൂയി സുവാരസ് ഇന്നും കളിക്കാനിറങ്ങിയില്ല.