ന്യൂഡല്‍ഹി: ഇന്ത്യയുടെ അണ്ടര്‍ 17 ലോകകപ്പിനുള്ള കോച്ചായി പോര്‍ച്ചുഗീസുകാരനായ ലൂയിസ് നോര്‍ട്ടന്‍ ഡി മാറ്റോസിനെ നിയമിച്ചു. അഖിലേന്ത്യ ഫുട്‌ബോള്‍ ഫെഡറേഷനാണ് നിയനം നടത്തിയത്. കഴിഞ്ഞ ദിവസം സായ് അധികൃതരുമായും പ്രസിഡന്റ് ഇഞ്ചെതി ശ്രീനിവാസുമായി കൂടിക്കാഴ്ച്ച നടത്തിയിരുന്നു.
ഇതിന് പിന്നാലെ എ.ഐ.എഫ്.എഫ് പ്രസിഡന്റ് പ്രഫുല്‍ പട്ടേലുമായി നോര്‍ട്ടന്‍ കൂടിക്കാഴ്ച്ച നടത്തി. മികച്ച കോച്ചാണ് നോര്‍ട്ടന്‍. അണ്ടര്‍ 17 ലോകകപ്പിനുള്ള ടീമിനെ മികച്ച രീതിയില്‍ വാര്‍ത്തെടുക്കാന്‍ അദ്ദേഹത്തിന് സാധിക്കും. ജൂനിയര്‍ ടീമുകളെ വളര്‍ത്തിയെടുക്കുന്നതിലുള്ള കഴിവ് മികച്ചതാണെന്നും പ്രഫുല്‍ പട്ടേല്‍ പറഞ്ഞു.

.