മനാമ: കോഴിക്കോട് ജില്ലയിലെ പുറക്കാട് കേന്ദ്രമായി പ്രവര്‍ത്തിക്കുന്ന ഭിന്നശേഷി വിദ്യാലയമായ ശാന്തി സദനത്തിന്റെ ബഹ്‌റൈന്‍ ചാപ്റ്റര്‍ പ്രവര്‍ത്തക സംഗമവും വാര്‍ഷിക അവലോകനവും സംഘടിപ്പിച്ചു. പരിപാടിയില്‍ പ്രസിഡന്റ് അഫ്‌സല്‍ കെ.പി അധ്യക്ഷത വഹിച്ചു. വൈസ് പ്രസിഡന്റ് രാധാകൃഷ്ണന്‍ കെ. ഉദ്ഘാടനം ചെയ്തു. കഴിഞ്ഞ ഒരു വര്‍ഷത്തെ പ്രവര്‍ത്തന റിപ്പോര്‍ട്ട് ജോയിന്റ് സെക്രട്ടറി പ്രജീഷ് അവതരിപ്പിച്ചു. ട്രഷറര്‍ വി.എം ഹംസ സാമ്പത്തിക റിപ്പോര്‍ട്ട് അവതരിപ്പിച്ചു. ജനറല്‍ സെക്രട്ടറി ജലീല്‍ തിക്കോടി സ്വാഗതവും പ്രജീഷ് നന്ദിയും പറഞ്ഞു. മജീദ് തണല്‍, സിറാജ് പള്ളിക്കര, മുനീര്‍ കെ.കെ, ബിജു തിക്കോടി, ജാബിര്‍, മന്‍സൂര്‍ തുടങ്ങിയവര്‍ നേതൃത്വം നല്‍കി.