കരുനാഗപ്പള്ളി: തഴവ ഗേള്‍സ് ഹയര്‍ സെക്കന്‍ഡറി സ്‌കൂള്‍ അടിച്ച് തകര്‍ത്ത കേസില്‍ ഒരാള്‍ പിടിയില്‍. മറ്റു മൂന്ന് പേര്‍ക്കെതിരേ അന്വേഷണം ഊര്‍ജ്ജിതമാക്കി. തഴവ സ്വദേശിയായ അരുണാണ് പൊലിസ് പിടിയിലായത്. ഇയാളുടെ സുഹൃത്തുക്കളായ കൊച്ചാപ്പു, വലിയ അപ്പൂസ്, കണ്ടാലറിയാവുന്ന മറ്റൊരാള്‍ എന്നിവര്‍ക്ക് വേണ്ടിയുള്ള തെരച്ചില്‍ ഊര്‍ജ്ജിതമാക്കി.
ഞാറാഴ്ച രാത്രിയില്‍ തഴവ അമ്പലമുക്ക് ഗേള്‍സ് ഹയര്‍ സെക്കന്‍ഡറി സ്‌കൂളിലെ അമ്പതോളം വരുന്ന ടാപ്പുകള്‍, ലാബിലെ ജനല്‍ ഗ്ലാസ്സുകള്‍, ഓടുകള്‍ എന്നിവകള്‍ നാലംഗ സംഘം അടിച്ചു തകര്‍ത്തിരുന്നു.
ഇരുപതിനായിരം രൂപയുടെ നഷ്ടം കണക്കാക്കുന്നതായി പൊലിസ് പറഞ്ഞു.