ചവറ: മനുഷ്യജീവനുകള്‍ തെരുവില്‍ പൊലിയുമ്പോള്‍ അക്രമകാരികളായ തെരുവ് നായകളെ അമര്‍ച്ച ചെയ്യാന്‍ നടപടി ഉണ്ടാകാത്തതില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ മേനകാ ഗാന്ധിയുടെ കോലം കത്തിച്ചു. കഴിഞ്ഞ ദിവസം തെരുവ് നായകളുടെ അക്രമത്തില്‍ നിന്നും രക്ഷപ്പെടുന്നതിനിടെ വീണ് പരിക്കേറ്റ് പന്മന സ്വദേശി അമീന എന്ന വീട്ടമ്മ മരണപ്പെട്ടിരുന്നു. ഡി.സി.സി ജനറല്‍ സെക്രട്ടറി സന്തോഷ് തുപ്പാശേരി ഉദ്ഘാടനം ചെയ്തു. പന്മന മണ്ഡലം പ്രസിഡന്റ് അരുണ്‍ എം.ഡി അധ്യക്ഷത വഹിച്ചു.
കോലത്ത്  വേണുഗോപാല്‍, ആര്‍.അരുണ്‍ രാജ്, വിഷ്ണു വേണുഗോപാല്‍, പൊന്മന നിശാന്ത്, ശരത് പട്ടത്താനം, രതീഷ് പുന്തല, രാമു, ഗോപു, ഇഖ്ബാല്‍, നാസിമുദ്ദീന്‍, റാഫി, അഷ്‌കര്‍, ഷിഹാബ് പഞ്ചായത്തംഗങ്ങളായ നിഷാ വാഹിദ്, റഹ്മത്തു നിസ എന്നിവര്‍ സംസാരിച്ചു.