ലിസ്ബണ്‍: അണ്ടര്‍ 17 ഫുട്‌ബോള്‍ ലോകകപ്പില്‍ ഇന്ത്യക്ക് വേണ്ടി കളിച്ച സഞ്ജീവ് സ്റ്റാലിന്‍ പോര്‍ച്ചുഗീസ് ക്ലബിലേക്ക്.
പോര്‍ച്ചുഗീസ് ക്ലബായ സി.ഡി ഏവ്‌സ് ആണ് സ്റ്റാലിനുമായി കരാര്‍ ഒപ്പുവെച്ചത്. അവസാന കുറച്ചു മാസമായി ഏവ്‌സ് ക്ലബിനൊപ്പം ട്രയല്‍സില്‍ ആയിരുന്നു താരം.
സ്റ്റാലിന്റെ പ്രകടനത്തില്‍ തൃപ്തരായ ക്ലബ് യുവതാരത്തിന് ര@ണ്ട് വര്‍ഷത്തെ കരാര്‍ ആണ് നല്‍കിയത്. 19 കാരനായ സ്റ്റാലിന്‍ തുടക്കത്തില്‍ ഏവ്‌സിന്റെ റിസേര്‍വ്‌സ് ടീമിനു വേണ്ട@ിയാകും കളിക്കുക.
അവസാന ര@ണ്ടു സീസണുകളിലും ഐ ലീഗില്‍ ഇന്ത്യന്‍ ആരോസിന് വേണ്ടി കളിച്ചിരുന്നു. പുതിയ ക്ലബിലേക്കെത്തിയതില്‍ സന്തോഷമുണ്ടെന്നും ക്ലബിന വേണ്ടി മികച്ച പ്രകടനം പുറത്തെടുക്കാന്‍ കഠിന പ്രയത്‌നം ചെയ്യുമെന്നും സ്റ്റാലിന്‍ പറഞ്ഞു.