ആയഞ്ചേരി: തറോപ്പൊയിലിനു സമീപം മാണിക്കോത്ത്താഴ പാലത്തിനുടുത്തുള്ള വയലില്‍ തീ പിടിച്ചത് പരിഭ്രാന്തി പരത്തി. ഇന്നലെ രാവിലെ പത്തോടെയായിരുന്നു സംഭവം.
വിശാലമായ വയലിലെ കൊയ്ത്തു കഴിഞ്ഞ ഭാഗത്തുനിന്നാണ് തീ പടര്‍ന്നത്. നിയന്ത്രിക്കാന്‍ കഴിയാത്ത വിധം തീ പടരുകയായിരുന്നു. വയലില്‍ വിളവെടുത്ത നെല്ലും കൊയ്യാറായ നെല്ലും വാഴ, മരച്ചീനി തുടങ്ങിയ കൃഷികളും ഉണ്ടായിരുന്നു. പെട്ടന്ന് തീ അണച്ചതിനാല്‍ വന്‍ നാശനഷ്ടം ഒഴിവായി. നാട്ടുകാരുടെ പരിശ്രമത്തിനൊടുവിലാണ് തീ നിയന്ത്രണ വിധേയമായത്.ഫയര്‍ഫോഴ്‌സ് എത്തിയെങ്കിലും വയലിനു മധ്യത്തിലായതിനാല്‍ ആദ്യഘട്ടത്തില്‍ കാര്യക്ഷമമായി നിയന്ത്രിക്കാന്‍ സാധിച്ചില്ല.  12 മണിയോടെ തീ പൂര്‍ണമായും നിയന്ത്രണവിധേയമാക്കി.