താമരശേരി: എന്‍.ആര്‍.ഇ.ജി വര്‍ക്കേഴ്‌സ് യൂനിയന്റെ നേതൃത്വത്തില്‍ തൊഴിലുറപ്പ് തൊഴിലാളികളുടെ സായാഹ്ന കൂട്ടായ്മ സംഘടിപ്പിച്ചു. ജോലി സമയം രാവിലെ 9 മണി മുതല്‍ വൈകുന്നേരം 4 മണി വരെയാക്കുക, 500രൂപയായി കൂലി വര്‍ധിപ്പിക്കുക, തൊഴില്‍ ദിനം 200 ആയി വര്‍ധിപ്പിക്കുക, കൂലിക്കുടിശ്ശിക ഉടന്‍ വിതരണം ചെയ്യുക തുടങ്ങിയ ആവശ്യങ്ങള്‍ ഉന്നയിച്ച് സംഘടിപ്പിച്ച കൂട്ടായ്മ യൂനിയന്‍ ജില്ലാ ട്രഷറര്‍ പി.വിശ്വനാഥന്‍ ഉദ്ഘാടനം ചെയ്തു. കെ.സി ശാന്ത അധ്യക്ഷയായി. കെ.കെ അപ്പുക്കുട്ടി, എം.കെ രാജന്‍, സെയ്തലവി എന്നിവര്‍ സംസാരിച്ചു.  കെ.കെ.ഡി രാജന്‍, എം.കെ അനില്‍, റെജി സുധാകരന്‍, ടി.ടി മനോജ്, എ.സി ശ്രീധരന്‍ എന്നിവര്‍ നേതൃത്വം നല്‍കി.