നെടുമ്പാശേരി: അബൂദബിയില്‍ നിന്നു നെടുമ്പാശ്ശേരിയിലേക്കുള്ള എയര്‍ഇന്ത്യ എക്‌സ്പ്രസ് വിമാനം വൈകിയത് ഒരുദിവസത്തിലധികം.
വിമാനത്തില്‍ ഉണ്ടായിരുന്ന 133 ഓളം യാത്രക്കാര്‍ വിമാനം വൈകിയതിനെ തുടര്‍ന്ന് ദുരിതത്തിലായി.
തിങ്കളാഴ്ച പുലര്‍ച്ചെ 2.30ന് നെടുമ്പാശേരിയില്‍ എത്തേണ്ട വിമാനം ഇന്നലെ പുലര്‍ച്ചെ 5.30ഓടെയാണ് എത്തിയത്. അബൂദബിയില്‍ നിന്നു വിമാനം പുറപ്പെടുന്നതിന് മുന്‍പ് വിമാനത്തിന്റെ ഗ്ലാസ് പൊട്ടിയതിനെ തുടര്‍ന്നാണ് വിമാനം അനിശ്ചിതമായി വൈകിയത്.
എന്നാല്‍ വിമാനം അനിശ്ചിതമായി വൈകിയിട്ടും യാത്രക്കാര്‍ ബഹളംവച്ചതിന് ശേഷമാണ് യാത്രക്കാരെ ഹോട്ടലിലേക്ക് മാറ്റാന്‍ എയര്‍ ഇന്ത്യ അധികൃതര്‍ തയ്യാറായത്.
യാത്രക്കാരില്‍ നല്ലൊരു ശതമാനം പേര്‍ക്കും നോമ്പായിരുന്നു. തങ്ങളോട് എയര്‍ ഇന്ത്യ ജീവനക്കാര്‍ വളരെ മോശമായാണ് പെരുമാറിയതെന്ന് യാത്രക്കാര്‍ പരാതിപ്പെട്ടു.