കോഴിക്കോട്: നാഷണല്‍ ഫുട്പാത്ത് ഉന്തുവണ്ടി പെട്ടിക്കട തൊഴിലാളി യൂനിയന്‍(ഐ.എന്‍.ടി.യു.സി) എട്ടാം സംസ്ഥാന സമ്മേളനം കോഴിക്കോട് ടൗണ്‍ഹാളിലെ കെ.ടി അബ്ദുല്‍ഖാദര്‍ നഗറില്‍ 4,5 തിയതികളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. നാലിന് രാവിലെ 9.30ന് സ്റ്റേഡിയം പരിസരത്തു നിന്ന് പ്രകടനം നടക്കും. പ്രതിപക്ഷ നേതാവ് രമേശ് ചെന്നിത്തല സമ്മേളനം ഉദ്ഘാടനം ചെയ്യും. എം.കെ രാഘവന്‍ എം.പി അധ്യക്ഷനാകും. ചടങ്ങില്‍  ഐ.എന്‍.ടി.യു.സി സംസ്ഥാന പ്രസിഡന്റ് ആര്‍.ചന്ദ്രശേഖരന്‍, ഡി.സി.സി പ്രസിഡന്റ് ടി. സിദ്ദീഖ്, പി.എം സുരേഷ്ബാബു, എന്‍.സുബ്രഹ്മണ്യന്‍ പങ്കെടുക്കും. അഞ്ചിന് കോഴിക്കോട് ഹോട്ടല്‍ അളകാപുരിയില്‍ നടക്കുന്ന പ്രതിനിധി സമ്മേളനം എം.കെ രാഘവന്‍ എം.പി ഉദ്ഘാടനം ചെയ്യും.
വര്‍ക്കിങ് പ്രസിഡന്റ് കെ. രാജീവ്, വി.ടി നരേന്ദ്രന്‍, എം.കെ അഷറഫ്, എന്‍.പി ആറ്റക്കോയ, കെ.പി ഇസ്മാഈല്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.