കോഴിക്കോട്: ഓറിയന്റല്‍ ഫിലിം സൊസൈറ്റി സംഘടിപ്പിക്കുന്ന ത്രിദിന ഹ്രസ്വ ചലച്ചിത്രമേള ഇന്നുമുതല്‍ നാലുവരെ നടക്കും. അരയിടത്തുപാലത്തിനു സമീപമുള്ള ഓറിയന്റല്‍ ഫിലിം ഇന്‍സ്റ്റിറ്റ്യൂട്ടിലെ മൂന്ന് തിയറ്ററുകളിലാണ് പ്രദര്‍ശനം. ട്രാന്‍സ്‌ജെന്‍ഡര്‍ മോഡലും ചലച്ചിത്ര നടിയുമായ അഞ്ജലി അമീര്‍ മേള ഉദ്ഘാടനം ചെയ്യും.
രണ്ടുവര്‍ഷം മുന്‍പ്  ലിംഗമാറ്റ ശസ്ത്രക്രിയക്കു വിധേയയായ കോഴിക്കോട് സ്വദേശി  അഞ്ജലി 'പേരന്‍പ് ' എന്ന പുതിയ തമിഴ് ചിത്രത്തില്‍ മമ്മുട്ടിയുടെ നായികയാണ്.
ആദ്യമായാണ് ഒരു ട്രാന്‍സ്‌ജെന്‍ഡര്‍ മുഴുനീള സിനിമയില്‍ നായികയാവുന്നത്.