നെയ്യാറ്റിന്‍കര: നെയ്യാറ്റിന്‍കരയില്‍ സി.പി.എം കോണ്‍ഗ്രസ് സംഘര്‍ഷം.കോണ്‍ഗ്രാസ് നേതാവിന് വെട്ടേറ്റു. കഴിഞ്ഞ ദിവസം വൈകുന്നേരമാണ് സംഭവം.
പെരുമ്പഴുതൂര്‍ അഗ്രികള്‍ച്ചറല്‍ ഇപ്രൂവ്‌മെന്റ് സൊസൈറ്റിയുടെ തെരഞ്ഞെടുപ്പുമായി ബന്ധപ്പെട്ട വാക്കേറ്റമാണ് സംഘര്‍ഷത്തില്‍ കലാശിച്ചത്.ഞയറാഴ്ച തെരഞ്ഞെടുപ്പ് നടക്കാനിരിക്കേയാണ് സംഘര്‍ഷം. സംഘര്‍ഷത്തില്‍ ഇരു കൂട്ടര്‍ക്കും പരുക്കേറ്റതായി പറയുന്നു.ഡി.സി.സി ജനറല്‍ സെക്രട്ടറി മാരായമുട്ടം സുരേഷിനെ വാള്‍ ഉപയോഗിച്ച് സി.പി.എം നേതാവ് തലയില്‍ വെട്ടുകയായിരുന്നതായും പറയുന്നു.
വെട്ടേറ്റ സുരേഷിനെയും പരുക്കേറ്റ മറ്റ് കോണ്‍ഗ്രാസ് സി.പി.എം പ്രവര്‍ത്തകരെയും നെയ്യാറ്റിന്‍കര ജനറല്‍ ആശുപത്രിയില്‍ പ്രവേശിപ്പിച്ചു.സംഘര്‍ഷാവസ്ഥ കണക്കിലെടുത്ത് സ്ഥലത്ത് പൊലിസ് ക്യാംപ് ചെയ്യുകയാണ്.