കൊട്ടാരക്കര: പതിനാലു വയസുള്ള പെണ്‍കുട്ടികളെ തട്ടിക്കൊണ്ടു പോയി പീഡിപ്പിക്കുന്ന കേസില്‍ യുവാവ് അറസ്റ്റില്‍. തലവൂര്‍ പാണ്ടിത്തിട്ട മാവിള മേലേതില്‍ വീട്ടില്‍ അനീഷ് കുമാറാണ്(22) അറസ്റ്റിലായത്. മൈലം സ്വദേശിനിയായ പെണ്‍കുട്ടിയെ കാണാനില്ലെന്ന പരാതിയെ തുടര്‍ന്ന് പൊലിസ് നടത്തിയ അന്വേഷണത്തിലാണ് പ്രതി പിടിയിലാക്കുന്നത്. മൂന്നു വര്‍ഷം മുന്‍പ് കുന്നിക്കോട് പൊലിസ് സ്റ്റേഷന്‍ പരിധിയില്‍ പതിനാലുകാരിയെ തട്ടിക്കൊണ്ടു പോയ കേസില്‍ പ്രതി ജയില്‍ ശിക്ഷ അനുഭവിച്ചിട്ടുണ്ട്. കൊട്ടാരക്കര സി.ഐ. ബി. ഗോപകുമാര്‍ എസ്.ഐ. സി.കെ. മനോജ്, എ.എസ്.ഐ രമേശ് കുമാര്‍, ഡബ്ല്യൂ. സി.പി.ഒ.ഷൈനി, സി.പി.ഒ ഹരിലാല്‍ എന്നിവരുടെ നേതൃത്വത്തിലുള്ള പൊലിസ് സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.