കണ്ണൂര്‍: കൊട്ടിയൂരില്‍ പതിനാറുകാരി പീഡനത്തിനിരയായ സംഭവത്തില്‍ സണ്ണി ജോസഫ് എം.എല്‍.എയുടെ മൗനം ദുരൂഹമാണെന്നു സി.പി.എം ജില്ലാ സെക്രട്ടറി പി ജയരാജന്‍. പി.കെ ശ്രീമതി എം.പി പെണ്‍കുട്ടിയുടെ വീട് സന്ദര്‍ശിച്ചിട്ടും എം.എല്‍.എ സ്ഥലത്തെത്തി ജനപ്രതിനിധിയുടെ ഉത്തരവാദിത്വം നിര്‍വഹിക്കാന്‍ തയാറായില്ല. വിശ്വാസികള്‍ ഉള്‍പ്പടെയുള്ള ജനങ്ങള്‍ നടത്തുന്ന പ്രതിഷേധത്തില്‍ നിന്ന് വിട്ടുനില്‍ക്കുന്ന എം.എല്‍.എയുടെ നടപടിക്കെതിരേ ജനങ്ങള്‍ പ്രതികരിക്കണമെന്നും ജയരാജന്‍ പ്രസ്താവനയില്‍ ആവശ്യപ്പെട്ടു.