തലശ്ശേരി: പാനുണ്ടയില്‍ ബോംബും ആയുധങ്ങളും പിടികൂടി. ഇന്നലെ ഉച്ചയ്ക്ക് മൂന്നോടെ എരുവട്ടി പാനുണ്ടയിലെ പഞ്ചായത്ത് കിണറിന് സമീപത്തുള്ള ആളൊഴിഞ്ഞ പറമ്പില്‍ വച്ചാണ് മൂന്ന് വാള്‍, നാല് ഇരുമ്പ് പൈപ്പ്, ഒരു പ്ലാസ്റ്റിക് ബോംബ് എന്നിവ തിരച്ചിലിനിടയില്‍ പൊലിസ് കണ്ടെത്തിയത്. ബോംബും വടിവാളുകളും കിണറിനോടു ചേര്‍ന്നുള്ള കുറ്റിക്കാട്ടിലും ഇരുമ്പു പൈപ്പുകള്‍ പമ്പ് ഹൗസിനുള്ളിലും ഒളിപ്പിച്ച നിലയിലായിരുന്നു. ആയുധങ്ങളും ബോംബും ആളൊഴിഞ്ഞ പറമ്പില്‍ സൂക്ഷിച്ചവരുടെ വിരലടയാളം രേഖപ്പെടുത്തിയതിന് ശേഷം ഇവ നീക്കം ചെയ്താല്‍ മതിയെന്ന് എസ്.പി ശിവവിക്രം നിര്‍ദേശം നല്‍കിയെതിനെ തുടര്‍ന്ന് ബോംബ് സ്‌ക്വാഡിന്റെയും വിരലടയാള വിദഗ്ധരുടെയും സാന്നിധ്യത്തിലാണ് പിന്നീട് നീക്കം ചെയ്തത്. ആദ്യമായാണ് ആയുധങ്ങള്‍ സൂക്ഷിച്ച് വയ്ക്കുന്നവരുടെ വിരലടയാളം പൊലിസ് ശേഖരിക്കുന്നത്. ആയുധങ്ങള്‍ കതിരൂര്‍ സ്റ്റേഷനിലേക്കു മാറ്റി.