ഷൊര്‍ണൂര്‍: അഗ്‌നിശമന വിഭാഗത്തിന് വിശ്രമമില്ലാത്ത നാളുകള്‍. ശക്തമായ കാറ്റും കനത്ത വെയിലുമുള്ള കാലാവസ്ഥയാകായാല്‍ മിക്കയിടങ്ങളിലും ചെറുതും വലുതുമായി തീപിടുത്തങ്ങള്‍ പതിവാകുകയാണ്. ഷൊര്‍ണൂര്‍ ഫയര്‍ സ്റ്റേഷന്റെ പരിധി ഏറെ വലുതാണ്. അതുകൊണ്ടുതന്നെ ജീവനക്കാരുണ്ടെങ്കിലും പരിധി വലുപ്പക്കൂടുതല്‍കാരണം എത്തിച്ചേരുവാന്‍ താമസം നേരിടുന്നു. ഷൊര്‍ണൂര്‍, ഒറ്റപ്പാലം, തൃത്താല, ചേലക്കര പട്ടാമ്പി, എന്നീ അഞ്ചു നിയോജക മണ്ഡലങ്ങളാണ് ഈ സ്റ്റേഷന്റെ പരിധിയായി നിശ്ചയിട്ടുള്ളത്. ഓരോ നിയോജക മണ്ഡലത്തിലും ഫയര്‍‌സ്റ്റേഷന്‍ വേണമെന്നിരിക്കേ സാമ്പത്തിക പ്രതിസന്ധി കാരണം നീണ്ടുപോകുകയാണ്. ഒറ്റപ്പാലത്തും, പട്ടാമ്പിക്കടത്ത് ഓങ്ങല്ലരും സ്റ്റേഷന് അനുമതി ലഭിച്ചെങ്കിലും സാമ്പത്തിക പ്രതിസന്ധി തടസം നില്‍ക്കുകയാണ്.