കൊടക്കാട്: രാജ്യത്ത് വര്‍ദ്ധിച്ച് വരുന്ന വര്‍ഗ്ഗീയതയും തീവ്രവാദവും ചെറുക്കാന്‍ കെല്‍പ്പുള്ള കേരളത്തിലെ വിദ്യാര്‍ത്ഥി പ്രസ്ഥാനമാണ് എസ്.കെ.എസ്.എസ്.എഫെന്ന് അഡ്വ. എന്‍. ശംസുദ്ദന്‍ എം.എല്‍.എ പറഞ്ഞു. മനുഷ്യ ജാലികയുടെ പ്രചരണാര്‍ഥം പാണക്കാട് സയ്യിദ് സാബി ഖലി ശിഹാബ് തങ്ങള്‍ നയിക്കുന്ന സൗഹൃദ യാത്രക്ക് കൊടക്കാട് നല്‍കിയ സ്വീകരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
രാജ്യത്ത് ഫാസിസ്റ്റ് വല്‍ക്കരണത്തിന് ഭരണകൂടം തന്നെ പിന്തുണ നല്‍കുന്ന സാഹചര്യത്തില്‍ എസ്.കെ.എസ്.എസ്.എഫ് ഉയര്‍ത്തുന്ന മനുഷ്യ ജാലികയുടെ പ്രമേയത്തിന് പ്രസക്തി ഏറെയാണെന്നും അദ്ദേഹം കൂട്ടിച്ചേര്‍ത്തു.