കോട്ടയം: അയല്‍കുന്നത്ത് മൂന്നു ദിവസം മുന്‍പ് കാണാതായ പെണ്‍കുട്ടിയെ കൊന്നു കുഴിച്ചിട്ട നിലയില്‍ കണ്ടെത്തി. 15 കാരിയെയാണ് കൊലപ്പെടുത്തിയത്. സംഭവത്തില്‍ അയര്‍കുന്നം സ്വദേശി അജീഷിനെ പൊലിസ് അറസ്റ്റു ചെയ്തു.

 പ്രതി കുറ്റം സമ്മതിച്ചതായും പൊലിസ് പറഞ്ഞു. പീഡനം എതിര്‍ത്തതിനെ തുടര്‍ന്നാണ് കൊലപാതകം. ഹോളോബ്രിക്‌സ് കമ്പനിയിലേക്ക് എത്തിച്ച ശേഷം പീഡനത്തിനു മുതിരുകയും ഇതിനെ എതിര്‍ത്തതിനെ തുടര്‍ന്ന് കുട്ടിയെ കൊല്ലുകയുമായിരുന്നു. കയറും ഷാളും ഉപയോഗിച്ചാണ് കൊലനടത്തിയത്.
വെള്ളിയാഴ്ചയാണ് പൊലിസിനു കാണാതായതായി പരാതി ലഭിച്ചത്.