ജിദ്ദ: ജിദ്ദ ഇന്ത്യൻ മീഡിയ ഫോറം പുതിയ ഭാരവാഹികളെ തെരഞ്ഞെടുത്തു. പി. ഷംസുദ്ദീൻ (ഗൾഫ് മാധ്യമം) പ്രസിഡൻറ്, കബീർ കൊണ്ടോട്ടി (തേജസ് ന്യൂസ്) ജനറൽ സെക്രട്ടറി, ബിജുരാജ് (കൈരളി ടി.വി) ട്രഷറർ,  ഹാഷിം കോഴിക്കോട് (ജെയ് ഹിന്ദ് ടി.വി) വൈസ് പ്രസിഡൻറ്,  ഗഫൂർ കൊണ്ടോട്ടി (മീഡിയ വൺ) ജോ. സെക്രട്ടറി എന്നിവരാണ് പുതിയ ഭാരവാഹികൾ. 

 

ജിദ്ദയിൽ ചേർന്ന ജനറൽ ബോഡി യോഗത്തിലാണ് ഒരു വർഷത്തേക്കുള്ള ഭാരവാഹികളെ തെരഞ്ഞെടുത്തത്.  നിഷാദ് അമീൻ, ട്രഷറർ ജലീൽ കണ്ണമംഗലം  എന്നിവർ റിപ്പോർട്ടുകൾ അവതരിപ്പിച്ചു.  പ്രസിഡൻറ് ഹസ്സൻ ചെറൂപ്പ അധ്യക്ഷത വഹിച്ചു. പി.എം മായീൻകുട്ടി, സാദിഖലി തുവ്വൂർ, അബ്ദുറഹ്മാൻ തുറക്കൽ, സുൽഫീക്കർ ഒതായി , സിറാജ് കൊട്ടപ്പുറം, നാസർ കാരക്കുന്ന്, മൻസൂർ എടക്കര എന്നിവർ സംസാരിച്ചു.