ന്യൂഡല്‍ഹി: കറന്‍സി രഹിത ഇടപാടിന്റെ മറവില്‍ ബാങ്കുകള്‍ ഉപഭോക്താക്കളെ പിഴിയുന്നു. മാസത്തില്‍ നാലു തവണയിലധികം പണമിടപാടു നടത്തിയാല്‍ 150 രൂപ സര്‍വിസ് ചാര്‍ജ് ഈടാക്കാനാണ് ചില സ്വകാര്യ ബാങ്കുകളുടെ തീരുമാനം.

എച്ച്ഡിഎഫ്‌സി, ഐസിഐസിഐ, ആക്‌സിസ് ബാങ്കുകളാണ് പുതിയ തീരുമാനവുമായി രംഗത്തെത്തിയിരിക്കുന്നത്.

എച്ച്ഡിഎഫ്‌സി ബാങ്ക് പുറത്തിറക്കിയ സര്‍ക്കുലര്‍ പ്രകാരം സേവിംഗ്‌സ് ബാങ്ക് അക്കൗണ്ട്, സാലറി അക്കൗണ്ട് ഉള്‍പ്പെടെ അക്കൗണ്ടുകളില്‍നിന്ന് ഹോം ബ്രാഞ്ചില്‍നിന്ന് മാസത്തില്‍ നാലു തവണ പണമിടപാടു നടത്തുന്നതിനു സര്‍വിസ് ചാര്‍ജ് ഈടാക്കുകയില്ല. പിന്നീടുള്ള ഓരോ ഇടപാടുകള്‍ക്കും 150 രൂപ സര്‍വിസ് ചാര്‍ജ് ഈടാക്കും.  എന്നാല്‍ കുട്ടികളുടേയും മുതിര്‍ന്ന പൗരന്‍മാരുടേയും അക്കൗണ്ടുകള്‍ക്ക് ഇതു ബാധകമല്ല. ഉത്തരവ് ഇന്നലെ മുതല്‍ പ്രാബല്യത്തില്‍ വന്നു.

ആക്‌സിസ് ബാങ്ക്, ഐസിഐസി ബാങ്ക് എന്നീബാങ്കുകള്‍ ജനുവരി മുതല്‍ക്കുതന്നെ സര്‍വിസ് ചാര്‍ജ് ഈടാക്കിയിരുന്നു.