പട്‌ന: ലോക്‌സഭാ തെരഞ്ഞെടുപ്പില്‍ ബിഹാറില്‍ എല്ലാ ബൂത്തുകളിലും ഇലക്ട്രോണിക് വോട്ടിങ് മെഷിനിനൊപ്പം വി.വി പാറ്റ് മെഷിനുകളും സജ്ജീകരിക്കുമെന്ന് തെരഞ്ഞെടുപ്പ് കമ്മിഷന്‍. തെരഞ്ഞെടുപ്പുകളില്‍ പേപ്പര്‍ ബാലറ്റുകള്‍ ഉപയോഗിക്കുന്ന കാലഘട്ടം അവസാനിച്ചുവെന്നും മുഖ്യതെരഞ്ഞെടുപ്പ് കമ്മിഷണര്‍ സുനില്‍ അറോറ പറഞ്ഞു. രാഷ്ട്രീയ പാര്‍ട്ടി പ്രതിനിധികളും സംസ്ഥാന തെരഞ്ഞെടുപ്പ് ഉദ്യോഗസ്ഥരും സംബന്ധിച്ച യോഗത്തില്‍ സംസാരിക്കുകയായിരുന്നു അദ്ദേഹം.
ഇക്കഴിഞ്ഞ നിയമസഭാ തെരഞ്ഞെടുപ്പില്‍ ഇലക്ട്രോണിക് വോട്ടിങ് യന്ത്രം സംബന്ധിച്ച് വ്യാപകമായ പരാതിയാണ് ഉയര്‍ന്നിരുന്നത്. അഞ്ച് സംസ്ഥാനങ്ങളിലെ 1.67 ലക്ഷം ബൂത്തുകളില്‍ ആറു ബൂത്തുകളില്‍ മാത്രം ക്രമക്കേട് നടന്നതായി തെരഞ്ഞെടുപ്പ് കമ്മിഷന് പരാതി ലഭിച്ചിരുന്നുവെന്നും മുഖ്യതെരഞ്ഞെടുപ്പ് കമ്മിഷണര്‍ അറിയിച്ചു.